重阳节歌谣推荐（精选3篇）
九月九，个个都去登高，你睇个班嫩仔，走得气嘈嘈。放起个只纸鹞在高处舞，扶汉声声(响弓声)，唤起个的懦夫，总系企在个处风头，须要努力正好。
虽有声威，可惜你未满羽毛，怕只怕失足云霄，个阵就遗恨万古。咪估个条包索，可以把天箍，既替得个佬流灾流难，边处唔流到。唉!难把身世顾，只望得天怜悯，俾你有点功劳。
九月九，係重阳，登高人仔一双双。绿女红男随处咁荡，你睇扯旗山下几多女娇娘。係咯呢阵男女平权民气渐长，好似黄花晚节，你话几咁馨香，止怕落帽龙山，年年咁混账。
可惜只知寻乐，不记得国破家亡，罢咯等我趁此良辰，便把民族高唱，万望大家齐醒，快把革命提倡。个阵扫尽胡儿除尽魍魉。唉，须要细想，避灾係咁样，古云匹夫有责，莫个自弃权强。
重阳节，又试话登高。究竟年年如是，有乜功劳?
虽则系如画嘅秋山，游吓亦好，做乜偏要向往重阳个日，至晓得风骚。
你话敢样就可以避灾，亦何不大早。点解你单身前往、又试剩落个的妻孥。
开讲话一部通书，都唔睇得到老。况系个的区区陈迹，重驶乜咁心操。
既系你上日唔知，我亦唔怪得你去做。唉!悭吓脚步，何苦去寻烦恼。
不若静坐思量，想吓边一样可图。